ആർഎസ്എസ് വോട്ട് തരാമെന്ന് പറഞ്ഞാൽ സ്വീകരിക്കും: കെ മുരളീധരൻ

തിരുവനന്തപുരം: നിയമസഭാ തെരഞ്ഞെടുപ്പ് അടുത്തിരിക്കെ ആർഎസ്എസുമായുള്ള ധാരണ പരസ്യമാക്കി മുതിർന്ന കോൺ​ഗ്രസ് നേതാവ് കെ മുരളീധരൻ. ആർഎസ്എസ് വോട്ട് തരാമെന്ന് പറഞ്ഞാൽ സ്വീകരിക്കുമെന്ന് മുരളീധരൻ പറഞ്ഞു. ആര് വോട്ട് തന്നാലും കോൺ​ഗ്രസ് സ്വീകരിക്കുമെന്നും മുരളീധരൻ ചാനൽ അഭിമുഖത്തിൽ പറഞ്ഞു.

ജമാഅത്തെ ഇസ്ലാമിയുടെ വെൽഫെയർ പാർടി വർ​ഗീയവാദികളല്ലേ എന്ന ചോദ്യത്തിന് മുരളീധരൻ മറുപടി നൽകിയില്ല. എസ്ഡിപിഐ അഖിലേന്ത്യാ തലത്തിൽ കോൺ​ഗ്രസിനെ പിന്തുണച്ചിട്ടുണ്ട്. പക്ഷേ എസ്ഡിപിഐയെ തെരഞ്ഞെടുപ്പ് പ്രചാരണത്തിൽ യുഡിഎഫ് കൂട്ടിയില്ല. വോട്ടർപട്ടികയിൽ പേരുള്ള ആരുടെ വോട്ടും കോൺ​ഗ്രസ് സ്വീകരിക്കുമെന്നും മുരളീധരൻ പറഞ്ഞു.

ലൈം​ഗികപീഡനക്കേസുക‌ളെ തുടർന്ന് കോൺ​ഗ്രസിൽനിന്ന് പുറത്താക്കുമ്പോൾ തന്റെ ഭാ​ഗം പാർടി കേട്ടില്ലെന്ന രാഹുൽ മാങ്കൂട്ടത്തിലിന്റെ ആരോപണം മുരളീധരൻ നിഷേധിച്ചു. എല്ലാ കാര്യങ്ങളും പരിശോധിച്ചിട്ടാണ് മാങ്കൂട്ടത്തിലിനെ പുറത്താക്കാനുള്ള തീരുമാനം കോൺ​ഗ്രസ് എടുത്തതെന്നും, ആ തീരുമാനം തിരുത്തേണ്ട ആവശ്യമില്ലെന്നും മുരളീധരൻ പറഞ്ഞു.