കാട്ടാനയാക്രമണം; വയനാട്ടിൽ 80 കാരിയെ കാട്ടാന എടുത്തെറിഞ്ഞു

കൽപ്പറ്റ: വയനാട്ടിൽ വീണ്ടും കാട്ടാന ആക്രമണം. സുൽത്താൻ ബത്തേരി, മൂടക്കൊല്ലിയിൽ വീടിന്റെ മുറ്റത്ത് നിന്ന വയോധികയെ കാട്ടാന തുമ്പിക്കൈ കൊണ്ട് ചുഴറ്റിയെറിഞ്ഞു. ആക്രമണത്തിൽ വയോധികയുടെ കാലിന് ​ഗുരുതരമായ പരിക്കേറ്റിട്ടുണ്ട്. കൈതവേലിൽ തങ്കമ്മയ്ക്കാണ്(80) കാട്ടാനയാക്രമണത്തിൽ പരിക്കേറ്റത്. വയോധികയെ അടുത്തുള്ള സ്വകാര്യ ആശുപത്രിയിൽ പ്രവേശിപ്പിച്ചു.

ഇന്ന് പുലർച്ചെയാണ് സംഭവം. ശുചിമുറിയില്‍ പോയി വീട്ടിലേക്ക് വരുമ്പോഴാണ് തങ്കമ്മയെ കാട്ടാന ആക്രമിച്ചത്. കാലിന് ഒടിവ് സംഭവിച്ചിട്ടുണ്ടെന്നാണ് റിപ്പോര്‍ട്ടുകള്‍.