കോതമം​ഗലത്ത് കാട്ടാന ആക്രമണം; മധ്യവയസ്കൻ മരിച്ചു

കോതമം​ഗലം: കോതമം​ഗലത്ത് കാട്ടാന ആക്രമണത്തിൽ ആദിവാസി മരിച്ചു. ഇടമലയാറിന് സമീപമുള്ള ഉന്നതിയിലെ പുഷ്പാകരനാണ് ആക്രമണത്തിനിരയായത്. വനവിഭവം ശേഖരിക്കാൻ പോകവേ കാട്ടാന ആക്രമിക്കുകയായിരുന്നു. വൈകിട്ട് മൂന്നോടെ ആയിരുന്നു ആക്രമണം.

വനവിഭവം ശേഖരിക്കുന്നതിനിടെ മധ്യവയസ്കനെ കാട്ടാന തുമ്പിക്കൈകൊണ്ട് ആക്രമണിക്കുകയായിരുന്നു. ​ഗുരുതരമായി പരിക്കേറ്റ ഇയാളെ കോതമം​ഗലം താലൂക്ക് ആശുപത്രിയിലെത്തിച്ചെങ്കിലും മരണം സ്ഥിരീകരിച്ചു. മൃതദേഹം ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. കൂടുതൽ വിവരങ്ങൾ അറിവായിട്ടില്ല.