വയനാട് പുനരധിവാസം; മുഖ്യമന്ത്രിയുടെ ദുരിതാശ്വാസനിധിയിലേക്ക് 10 കോടി രൂപ കൈമാറി എം എ യൂസഫലി

വയനാട്: പുനരധിവാസത്തിനായി മുഖ്യമന്ത്രിയുടെ ദുരിതാശ്വാസനിധിയിലേക്ക് ലുലു ഗ്രൂപ്പ് ചെയർമാൻ ഡോ. എം എ യൂസഫലി 10 കോടി രൂപ കൈമാറി. മുഖ്യമന്ത്രിയുടെ ചേംബറിൽ നേരിട്ട് എത്തിയാണ് ചെക്ക് കൈമാറിയത്.‌ ചൂരൽമല - മുണ്ടക്കൈ ഉരുൾപൊട്ടലിലെ ദുരിത ബാധിതർക്ക് 50 വീടുകൾ നൽകുമെന്ന് യൂസഫ് അലി പ്രഖ്യാപിച്ചിരുന്നു. ഒരു വീടിനു 20 ലക്ഷം രൂപ എന്ന നിലയിൽ 50 വീടുകൾ നിർമിക്കുന്നതിനുള്ള തുകയായാണ് 10 കോടി രൂപ കൈമാറിയത്.

വയനാട് ദുരന്തബാധിതർക്കായി ആദ്യഘട്ടത്തിൽ 5 കോടി രൂപ കഴിഞ്ഞ ആഗസ്തിൽ യൂസഫലി നൽകിയിരുന്നു.