പതിവിലും നേരത്തെ സിലിണ്ടർ തീർന്നു; പരിശോധിച്ചപ്പോൾ ​ഗ്യാസല്ല, വെള്ളം!

നെടുമ്പാശേരി: എണറാകുളം നെടുമ്പാശേരിയിൽ പാചകവാതക സിലണ്ടറിൽ വെള്ളം കണ്ടെത്തി. കപ്രശേരി സ്വദേശി അനിലിന് ലഭിച്ച സിലിണ്ടറിലാണ് വെള്ളം കണ്ടെത്തിയത്. പുതിയ സിലിണ്ടർ പതിവിന് വിപരീതമായി വേ​ഗം തീർന്നതോടെ സംശയം തോന്നി പരിശോധിച്ചപ്പോഴാണ് ഉള്ളിൽനിന്നും വെള്ളം പുറത്തേക്ക് വന്നത്.

ടാക്സി ഡ്രൈവറാണ് അനിൽഡ. പുതിയ സിലിണ്ടർ വാങ്ങിയാൽ സാധാരണയായി നാൽപത് ദിവസത്തോളം വീട്ടിൽ ഉപയോ​ഗിക്കാനാകുമായിരുന്നു. എന്നാൽ ഇത്തവണ 19 ദിവസം കഴിഞ്ഞതോടെ ​ഗ്യാസ് തീർന്നു. ഇതിൽ സംശയം തോന്നിയപ്പോൾ പരിശോധിക്കുകയായിരുന്നു. സിലണ്ടറിന്റെ പിസ്റ്റണ്‍ ആണി ഉപയോഗിച്ച് താഴ്ത്തി നോക്കിയപ്പോള്‍ സിലണ്ടറില്‍നിന്നും വെള്ളം പുറത്തേക്കുവന്നു.

ഇന്ത്യൻ ഓയിൽ കോർപറേഷന്റേതാണ് സിലിണ്ടർ. പരാതിപ്പെട്ടിട്ടും നടപടിയുണ്ടായില്ലെന്ന് അനിൽ പറഞ്ഞു.