ഭാരത് ഗൗരവ് ട്രെയിനിൽ പൈതൃക നഗരങ്ങൾ സന്ദർശിക്കാം

കോഴിക്കോട്‌ : റെയിൽവേയുടെ സബ്‌സിഡിയോടെ ഭാരത് ഗൗരവ് ട്രെയിനിന്‌ കീഴിൽ സ‍ൗത്ത്‌ സ്‌റ്റാർ റെയിൽ ഇന്ത്യയിലെ പൈതൃക നഗരങ്ങൾ സന്ദർശിക്കാൻ അവസരമൊരുക്കുന്നു. ഹംപി മഹാബലേശ്വർ, ഷിർദി, അജന്ത, എല്ലോറ, ഹൈദരാബാദ് എന്നിവിടങ്ങളിലൂടെ സഞ്ചരിക്കുന്ന പ്രത്യേക ട്രെയിൻ ഒക്ടോബർ രണ്ടിന് പുറപ്പെടും. 11 ദിവസം നീളുന്ന യാത്രയ്ക്ക് 33 ശതമാനം സബ്‌സിഡിയുണ്ട്‌.

ബുക്കിങ്‌ ആരംഭിച്ചതായി പ്രോജക്ട്‌ ഡയറക്ടർ ജി വിഘ്‌നേഷ്‌ വാർത്താസമ്മേളനത്തിൽ അറിയിച്ചു. മധുരൈയിൽനിന്ന് പുറപ്പെടുന്ന ട്രെയിനിന് കൊല്ലം, കായംകുളം, ആലപ്പുഴ, എറണാകുളം, തൃശൂർ, ഒറ്റപ്പാലം, പാലക്കാട് എന്നിവിടങ്ങളിൽ സ്റ്റോപ്പുണ്ട്‌. അറിയിപ്പുകൾക്കായുള്ള പിഎ സിസ്റ്റംസ് ഓൺബോർഡ്, പരിശീലനം ലഭിച്ച കോച്ച് സെക്യൂരിറ്റിയും ടൂർ മാനേജർമാരും യാത്രാ ഇൻഷുറൻസ്, മികച്ച ഹോട്ടലുകൾ, കാഴ്ചകളും ട്രാൻസ്ഫറുകളും ദക്ഷിണേന്ത്യൻ ഭക്ഷണം എന്നിവയുൾപ്പെടെ സൗകര്യങ്ങളുണ്ട്‌.

സ്ലീപ്പർ ക്ലാസിന് 29,800 രൂപയിൽ ആരംഭിക്കുന്ന പാക്കേജിൽ തേർഡ് എസിക്ക് 39,100, സെക്കൻഡ് എസിക്ക് 45,700, ഫസ്റ്റ് എസിക്ക് 50,400 രൂപ -എന്നിങ്ങനെയാണ് നിരക്കുകൾ. www.tourtimes.in വഴിയോ 7305858585 നമ്പറിലോ ബുക്ക്‌ ചെയ്യാം.