print edition ഫെബ്രുവരി, മാർച്ച് മാസങ്ങളിൽ പാലക്കാടുനിന്നുള്ള ട്രെയിൻ സർവീസുകളിൽ മാറ്റം; വിവിധ ട്രെയിനുകൾ റദ്ദാക്കി

പാലക്കാട്: ട്രാക്കിൽ പണി നടക്കുന്നതിനാൽ ഫെബ്രുവരി, മാർച്ച് മാസങ്ങളിൽ പാലക്കാടുനിന്നുള്ള ട്രെയിൻ സർവീസുകളിൽ മാറ്റം. 7, 8, 14, 21 തീയതികളിൽ (ട്രെയിൻ നമ്പർ 56604) ഷൊർണൂർ- കോയമ്പത്തൂർ ജങ്ഷൻ പാസ്സഞ്ചറും 12, 13, 14, 16 തീയതികളിൽ പാലക്കാട്– കോയമ്പത്തൂർ മെമുവും, 14, 21 തീയതികളിൽ കോയമ്പത്തൂരിൽ നിന്ന് ഷൊർണൂരിലേക്കുള്ള പാസഞ്ചറും (56603) സർവീസ്‌ റദ്ദാക്കി.

​ഭാഗികമായി മുടങ്ങുന്നവ

16608 (കോയമ്പത്തൂർ–കണ്ണൂർ എക്സ്പ്രസ്സ്) 7, 8, 14, 15 തീയതികളിൽ കോഴിക്കോട് സെൻട്രലിൽ യാത്ര അവസാനിപ്പിക്കും.

​16307 (ആലപ്പുഴ–- കണ്ണൂർ എക്സ് പ്രസ്സ്) 25നും മാർച്ച് നാലിനും ഷൊർണുർ ജങ്ഷനിൽ യാത്ര അവസാനിപ്പിക്കും.

യാത്ര ആരംഭിക്കുന്ന 
സ്റ്റേഷനുകളിൽ മാറ്റം

​22610 (കോയമ്പത്തൂർ– മംഗളൂരു ഇന്റർസിറ്റി സൂപ്പർഫാസ്റ്റ്‌ എക്സ് പ്രസ്സ് 12, 13, 15 തീയതികളിൽ രാവിലെ ഏഴിന് പാലക്കാട് നിന്ന് യാത്ര ആരംഭിക്കും.

​16844 (പാലക്കാട്– തിരുച്ചിറപ്പള്ളി എക്സ്പ്രസ്സ്) 12, 13 തീയതികളിൽ രാവിലെ ഏഴിന് കഞ്ചിക്കോട് നിന്നാകും.

16844 (പാലക്കാട്–തിരുച്ചിറപ്പള്ളി എക്സ്പ്രസ്സ്) 14, 15, 16 തീയതികളിൽ രാവിലെ 7.15ന് വാളയാറിൽ നിന്ന്.

​56604 (ഷൊർണൂർ–കോയമ്പത്തൂർ പാസ്സഞ്ചർ) 12, 22 തീയതികളിൽ രാവിലെ 09.20ന് പാലക്കാട് ജങ്ഷനിൽ നിന്ന്.

​ട്രെയിൻ വൈകും

56604 (ഷൊർണൂർ–കോയമ്പത്തൂർ പാസ്സഞ്ചർ) 5, 6, 9 തീയതികളിൽ ഷൊർണൂരിൽനിന്ന് 40 മിനിറ്റ് വൈകും.