വാഹനത്തിലിരുന്ന്‌ മദ്യപിച്ചത്‌ വിലക്കി; തിരുവനന്തപുരത്ത് തിയറ്റർ മാനേജർക്ക്‌ ക്രൂരമർദനം

​കിളിമാനൂർ : തിയറ്റർ വളപ്പിൽ വാഹനത്തിലിരുന്ന് മദ്യപിച്ചത് വിലക്കിയ മാനേജരെ അക്രമിസംഘം വളഞ്ഞിട്ട് ആക്രമിച്ചു. ഗുരുതരമായി പരിക്കേറ്റ തിയറ്റർ മാനേജർ വെഞ്ഞാറമൂട്ടിൽ സ്വകാര്യ മെഡിക്കൽ കോളേജ് ആശുപത്രിയിൽ ചികിത്സയിലാണ്. ​കിളിമാനൂരിലെ റോക്കീസ് തിയറ്റർ മാനേജർ കെ വി ബിജു (50) നെയാണ് പത്തോളം പേർ ചേർന്ന്‌ മർദിച്ചത്. ​

അക്രമികൾ കിളിമാനൂർ സ്വദേശികളാണെന്നാണ്‌ സൂചന. വർക്കല സ്വദേശിയാണ് മാനേജർ ബിജു. പരാതിയിൽ കിളിമാനൂർ പൊലീസ് കേസെടുത്തു. രണ്ടുദിവസം മുമ്പ് രണ്ടുപേർ തിയറ്റർ കോമ്പൗണ്ടിൽ കാറിനകത്തിരുന്ന് മദ്യപിച്ചിരുന്നു. ഇത് വിലക്കിയതിനെ തുടർന്നുള്ളള വൈരാഗ്യമാണ് കാരണമെന്ന് ബിജു മൊഴിനൽകി.