വിവാദങ്ങള്‍ സൃഷ്ടിക്കുന്നത് 
മാധ്യമങ്ങൾ, സർക്കാർ കൂടെനിന്നു: ഡോ. ഹാരിസ്

തിരുവനന്തപുരം : തിരുവനന്തപുരം മെഡിക്കല്‍ കോളേജിൽ വിവാദം സൃഷ്ടിക്കുന്നത് മാധ്യമങ്ങളാണെന്ന് ‍ഡോ. ഹാരിസ് ചിറയ്ക്കല്‍. ചെറിയ പ്രശ്നം ചൂണ്ടിക്കാണിച്ചിരുന്നു. അവയൊക്കെ സർക്കാർ പരിഹരിച്ചു. തുടക്കം മുതൽ മന്ത്രി വീണാ ജോര്‍ജും സര്‍‌ക്കാരും തനിക്ക് വേണ്ടി നിലകൊണ്ടു. ആശുപത്രിയിൽ എല്ലാ ഉപകരണങ്ങളുമുണ്ട്‌. ശസ്ത്രക്രിയകൾ കൃത്യസമയങ്ങളിൽ നടക്കുന്നുണ്ട്‌. എന്നാല്‍, പ്രശ്‌നം പരിഹരിക്കപ്പെട്ടിട്ടും മാധ്യമങ്ങൾ വാർത്ത വളച്ചൊടിക്കുകയാണ്‌. ഉന്നയിച്ച പ്രശ്നം മറ്റൊരുതരത്തിൽ വ്യാഖാനിക്കുന്നത്‌ എന്തിനാണെന്നും അദ്ദേഹം ചോദിച്ചു. ചട്ടലംഘനം നടത്തിയെന്ന കാര്യം ബോധ്യപ്പെട്ടു. മന്ത്രിയോട്‌ അതുമായി ബന്ധപ്പെട്ട്‌ സംസാരിച്ചിട്ടുണ്ട്‌.

ആശുപത്രിയിലുണ്ടായിരുന്നപ്പോൾ മന്ത്രി കാണാൻവന്നിരുന്നു. പ്രശ്നം പരിഹരിക്കാമെന്ന് സർക്കാർ ആദ്യംമുതലേ ഉറപ്പു നൽകിയിരുന്നതായും ഹാരിസ്‌ പറഞ്ഞു.