വിയ്യൂരിൽ 53 കേസുകളിൽ പ്രതി ബാലമുരുകന്‍ തമിഴ്നാട് പൊലീസിനെ വെട്ടിച്ച് രക്ഷപെട്ടു; വ്യാപക തിരച്ചിൽ

തൃശൂര്‍: ഗുണ്ടാ നേതാവും മോഷ്ടാവുമായ തമിഴ്നാട് സ്വദേശി ബാലമുരുകൻ പൊലീസ് കസ്റ്റഡിയിൽനിന്ന് രക്ഷപെട്ടു. തമിഴ്‌നാട് പൊലീസിന് കൈമാറിയ പ്രതിയെ തിരികെ എത്തിക്കുന്നതിനിടെ തിങ്കളാഴ്ച രാത്രിയാണ് സംഭവം.

വിയ്യൂര്‍ സെന്‍ട്രല്‍ ജയിലിന് അടുത്ത് വെച്ചാണ് ഇയാള്‍ തമിഴ്നാട് പൊലീസിനെ വെട്ടിച്ച് രക്ഷപ്പെട്ടത്. നിലവിൽ വിയ്യൂര്‍ സെന്‍ട്രല്‍ ജയിലിലെ തടവുകാരനാണ്. ശുചിമുറിയില്‍ പോകണമെന്ന് പറഞ്ഞപ്പോൾ പുറത്തിറങ്ങിയ ശേഷം ഒപ്പമുള്ള പൊലീസുകാരെ തള്ളിയിട്ട ശേഷമാണ് ഓടിയത്.

പൊലീസിനെ ആക്രമിച്ച് നേരത്തെയും രക്ഷപെട്ട കേസിലുൾപ്പടെ കേരളത്തിലും തമിഴ്‌നാട്ടിലുമായി 53 കേസുകളിൽ പ്രതിയാണ് ഇയാൾ.