ഹാഷിഷ് ഓയിലുമായി ടിടിഇ പിടിയിൽ

കൊച്ചി: മയക്കുമരുന്ന് കേസിൽ നിരീക്ഷണത്തിലായിരുന്ന ടിടിഇ പൊലീസ് പിടിയിലായി. എളമക്കര എളവുങ്കല്‍ വീട്ടില്‍ അഖിൽ ജോസഫി (35) നെയാണ് ബുധനാഴ്ച ബോള്‍ഗാട്ടി ബസ് സ്റ്റോപ്പിന് സമീപത്ത് നിന്ന് അറസ്റ്റ് ചെയ്തത്. 2.63 ഗ്രാം എംഡിഎംഎയും 3.76 ഗ്രാം ഹാഷിഷ് ഓയിലും കൈവശം ഉണ്ടായിരുന്നതായി പൊലീസ് പറഞ്ഞു.

റെയില്‍വേയുടെ എറണാകുളം മേഖലയിലെ ടിടിഇ ആണ്. സംശയത്തെ തുടർന്ന് ഒരുവര്‍ഷത്തോളമായി പോലീസിന്റെ നിരീക്ഷണത്തിലായിരുന്നു. ലഹരി ഉപയോഗത്തെക്കുറിച്ച് പൊതുജനങ്ങള്‍ക്ക് വിവരം നല്‍കാനുള്ള നമ്പർ വഴിയാണ് ഡാന്‍സാഫിന് സൂചന ലഭിച്ചത്. ബസ്റ്റോപ്പിന് സമീപത്തു നിന്നാണ് പിടികൂടിയത്.