print edition സുരേഷ്‌ ഗോപിയുടെ അപ്പീലിൽ നോട്ടീസ്‌

ന്യൂഡൽഹി: മതചിഹ്നം ദുരുപയോഗിച്ച് വോട്ട്‌ നേടിയതിനാൽ ലോക്‌സഭാം​ഗത്വം റദ്ദാക്കണമെന്ന ഹര്‍ജി നിലനിൽക്കുമെന്നും വിചാരണ നേരിടണമെന്നുമുള്ള ഹൈക്കോടതി വിധിക്കെതിരെയുള്ള കേന്ദ്ര സഹമന്ത്രി സുരേഷ്‌ ഗോപിയുടെ അപ്പീലിൽ നോട്ടീസയച്ച്‌ സുപ്രീംകോടതി.

ഹർജിക്കാരനും സിപിഐ നേതാവുമായ എ എസ്‌ ബിനോയിക്കാണ്‌ ജസ്‌റ്റിസുമാരായ പി എസ്‌ നരസിംഹ, അലോക്‌ ആരാധെ എന്നിവരുടെ ബെഞ്ച്‌ നോട്ടീസയച്ചത്‌. തൃശൂർ ലോക്‌സഭ മണ്ഡലത്തിൽ ബിജെപി സ്ഥാനാർഥിയായി മത്സരിച്ച സുരേഷ്‌ ഗോപി മതചിഹ്നങ്ങൾ ദുരുപയോഗിച്ചതിന്‌ പുറമേ സമ്മാനങ്ങൾ വാഗ്‌ദാനം ചെയ്‌തുവെന്നും ഹർജിക്കാരൻ ഹൈക്കോടിയിൽ ചൂണ്ടിക്കാട്ടിയിരുന്നു.