'ഔദ്യോഗിക വാഹനം ഉപയോ​ഗിക്കാതെ കെ എം ഷാജി സർക്കാരിന്റെ പണം ലാഭിക്കുന്നു'; സണ്ണി ജോസഫ്

കോഴിക്കോട്: ഒ‍ൗദ്യോഗിക വാഹനം ഉപയോഗിക്കാതെ സുഹൃത്തിന്റെ ആഡംബര കാർ ഉപയോഗിച്ച സംഭവത്തിൽ മന്ത്രി കെ എം ഷാജിയെ ന്യായീകരിച്ച് മന്ത്രി സണ്ണി ജോസഫ്. സർക്കാർ വാഹനം ഉപയോ​ഗിക്കാതെ, മന്ത്രി കെ എം ഷാജി സർക്കാരിന്റെ പണം ലാഭിക്കുകയാണെന്നാണ് മന്ത്രി സണ്ണി ജോസഫ് ന്യായീകരിച്ചത്.

ഷാജി ചട്ടം ലംഘിച്ച്​ ഔദ്യോഗികമായി ഉപയോഗിച്ചിരുന്ന സ്വകാര്യ കാർ കഴിഞ്ഞ ദിവസം ഉടമയ്ക്ക്​ തിരിച്ചുനൽകിയിരുന്നു. ശനിയാഴ്ച രാവിലെയാണ്​ കാറുടമ റിയാദിലെ വ്യവസായിയുടെ തില്ല​ങ്കേരി കാവുമ്പടിയിലെ വീട്ടിൽ കാർ എത്തിച്ചത്​.

മന്ത്രി കെ എം ഷാജി, സ്വകാര്യ വാഹനത്തിൽ സർക്കാരിന്റെ ഔദ്യോഗിക ബോർഡുംവച്ചായിരുന്നു​ യാത്രചെയ്തിരുന്നത്​. മന്ത്രിയുടെ ഔദ്യോഗിക ഡ്രൈവറാണ് കാറോടിച്ചിരുന്നതും. റിയാദിലെ വ്യവസായിയായ തില്ല​ങ്കേരി കാവുമ്പടിയിലെ സ്വകാര്യ വ്യക്തിയുടെ​ കെഎൽ 78 എ 0009 നമ്പർ റേഞ്ച്​ റോവർ കാറാണ്​ കേരള സ്​റ്റേറ്റ്​ 13 നമ്പറുംവച്ച്​ ഉപയോഗിച്ചത്.

ഔദ്യോഗിക വാഹനങ്ങൾക്ക് പുറമെ സ്വകാര്യ വാഹനം ഉപയോ​ഗിക്കാൻ നിലവിൽ രണ്ട് മന്ത്രിമാർക്ക് മാത്രമേ അനുമതിയുള്ളൂ. ആഭ്യന്തര മന്ത്രി രമേശ് ചെന്നിത്തലയ്ക്കും വി ഇ അബ്ദുൽ ഗഫൂറിനുമാണ് ഈ അനുമതിയുള്ളത്. എന്നാൽ എല്ലാ നിയമവും കാത്തിൽ പറത്തിയാണ് മന്ത്രി കെ എം ഷാജി സ്വകാര്യ വാഹനത്തിൽ പറന്നത്.