തിരുവനന്തപുരത്ത് ട്രെയിനിനുനേരെ കല്ലേറ്; യാത്രക്കാരുടെ ദേഹത്തേക്ക് കല്ല് പതിച്ചു

തിരുവനന്തപുരം: തിരുവനന്തപുരത്തേക്ക് വന്ന ട്രെയിനിനുനേരെ കല്ലേറ്. ചൊവ്വാഴ്ച തുമ്പ പൗണ്ട്കടവിലാണ് സംഭവം. ട്രെയിൻ യാത്രക്കാരിൽ ഒരാളുടെ ​ദേഹത്തേക്ക് കല്ല് പതിച്ചു. ഇയാളാണ് പൊലീസിനെ വിവരം അറിയിച്ചത്.

തുടർന്ന് തുമ്പ പൊലീസും ആർപിഎഫും സ്ഥലത്തെത്തി പരിശോധന നടത്തി. സമീപത്തെ കടയിലെ സിസിടിവി ദൃശ്യങ്ങൾ അടക്കം പൊലീസ് ശേഖരിക്കുന്നുണ്ട്.

കല്ലേറിൽ യാത്രക്കാർക്ക് ആർക്കും പരിക്കില്ലെന്നാണ് വിവരം.