മഞ്ചേരി മെഡിക്കൽ കോളേജ് യൂണിയൻ എസ്എഫ്ഐ പിടിച്ചെടുത്തു

മഞ്ചേരി: അരാഷ്ട്രീയ കൂട്ടുകെട്ട് തകർത്ത് മഞ്ചേരി മെഡിക്കൽ കോളേജ് വി​ദ്യാ​ർ​ഥി യൂണിയൻ തെരഞ്ഞെടുപ്പിൽ‌ എസ്എഫ്ഐക്ക് ഉജ്വല വിജയം. ചെയർമാനും യുയുസിയും ഉൾപ്പെടെ മൽസരിച്ച 16ൽ 13 സീറ്റിൽ വിജയിച്ചാണ് ചരിത്രനേട്ടം. കെഎസ്‍യു, എംഎസ്എഫ്, ഫ്രട്ടേണിറ്റി ഉൾപ്പെടെയുള്ളവർ ചേർന്ന ഇൻഡിപെൻഡൻസ് എന്ന സഖ്യത്തെ തകർത്ത്, നാലുവർഷത്തിനുശേഷമാണ് എസ്എഫ്ഐ യൂണിയൻ പിടിച്ചെടുക്കുന്നത്.

യുയുസി (യുജി-പിജി): ഡോ. ആവണി മോഹൻ, യുയുസി(യുജി): സി ടി മുഹമ്മദ് നസീബ്. കിരൺ ആർ അശോക്( ചെയർ പേഴ്സൺ), ശ്രാവൺ എസ് വിജയ് (വൈസ് ചെയർ പേഴ്സൺ), ജാനവി ലക്ഷ്മി ( വനിത വൈസ് ചെയർ പേഴ്സൺ), മുഹമ്മദ് ഇമ്രാൻ( ജനറൽ സെക്രട്ടറി), മുഹമ്മദ് സിയാൻ പി ഹാഷിഖ്( ജോ. സെക്രട്ടറി), എം എ അനുഷ( സ്പോർട്സ് സെക്രട്ടറി), എ എസ് റോസ് മരിയ( മാ​ഗസിൻ എഡിറ്റർ) എന്നിവരാണ്‌ ജനറൽ സീറ്റിൽ ജയിച്ച എസ്‌എഫ്‌ഐ സ്ഥാനാർഥികൾ.

ഇതിന്‌ പുറമെ 2021, 2023, 2025 ബാച്ച്‌ പ്രതിനിധികളായും എസ്‌എഫ്‌ഐ സ്ഥാനാർഥികൾ തെരഞ്ഞെടുക്കപ്പെട്ടു. മുഹമ്മദ് സിയാൻ, ആയിശ തമന്ന, ​ഗ്രീഷ്മ പ്രജിത്ത് എന്നിവർ ബാച്ചിന്റെയും പ്രതിനിധിയായി.