തിരുവനന്തപുരം കോർപ്പറേഷനിൽ ബിജെപിക്ക് തിരിച്ചടി; ആർ ശ്രീലേഖ രാജിവെച്ചു

തിരുവനന്തപുരം : തിരുവനന്തപുരം കോർപ്പറേഷനിൽ ബിജെപി ഭരണസമിതിയെ പ്രതിസന്ധിയിലാക്കി ആർ ശ്രീലേഖ കൗൺസിലർ സ്ഥാനം രാജിവെച്ചു. ഒരു സീറ്റ് മാത്രം ഭൂരിപക്ഷത്തിൽ ഭരണത്തിലേറിയ ബിജെപിക്ക് കനത്ത തിരിച്ചടിയാണ് ശ്രീലേഖയുടെ രാജി. നേരത്തെ പല തവണ മേയർ സ്ഥാനം നൽകാത്തതിലുള്ള കടുത്ത അതൃപ്തി ശ്രീലേഖ പ്രകടിപ്പിച്ചിരുന്നു. ഈ അതൃപ്തി തന്നെയാണ് രാജിക്ക് പിന്നിലെന്നാണ് നിലവിലെ വിവരം.

മേയർ വി വി രാജേഷിന് സെപ്റ്റംബർ 30ന് തന്നെ രാജിക്കത്ത് കൈമാറിയിട്ടുണ്ടെന്ന വിവരമാണ് പുറത്തുവരുന്നത്. അതേസമയം, സ്വകാര്യ വിഷയങ്ങളെ തുടർന്നാണ് രാജിയെന്നാണ് ശ്രീലേഖ വിശദീകരിക്കുന്നത്. മേയർ സ്ഥാനത്തേക്ക് പരി​ഗണിക്കാമെന്ന് പറഞ്ഞാണ് ശാസ്തമംഗലം വാർഡ് കൗൺസിലറായി മത്സരിച്ചതെന്ന് നേരത്തെ ശ്രീലേഖ പറഞ്ഞിരുന്നു.