അട്ടപ്പാടിയിൽ മലമ്പാമ്പിനെ കഴുത്തിലിട്ട് യുവാവിന്റെ അഭ്യാസം

പാലക്കാട്: പാലക്കാട് മലമ്പാമ്പിനെ കഴുത്തിലിട്ട് യുവാവിന്റെ അഭ്യാസം. ഏറെ നേരത്തോളം യുവാവ് പാമ്പിനെ കഴുത്തിലിട്ട് നിൽക്കുന്നതിന്റെയും നാട്ടുകാർ അത് നോക്കിനിൽക്കുന്നതിന്റെയും ദൃശ്യങ്ങൾ പുറത്ത് വന്നു. അട്ടപ്പാടി അ​ഗളി പഞ്ചായത്തിലെ മേട്ടുവഴിയിലാണ് സംഭവം.

വനം വകുപ്പ് ഉദ്യോ​ഗസ്ഥർ എത്തിയപ്പോഴാണ് യുവാവ് മലമ്പാമ്പിനെ കൈമാറിയത്. മേലുദ്യോ​ഗസ്ഥരുമായി ആലോചിച്ച ശേഷം മാത്രമെ ഇയാൾക്കെതിരെ കേസെടുക്കണോ എന്ന കാര്യത്തിൽ തീരുമാനം ഉണ്ടാകുകയുള്ളു. ഒരാഴ്ച മുൻപാണ് യുവാവ് മലമ്പാമ്പിനെ കഴുത്തിലിട്ട് അഭ്യാസ പ്രകടനം നടത്തിയത്.

ജനവാസ മേഖലയിൽ മലമ്പാമ്പ് ഇറങ്ങിയിട്ടുണ്ട് എന്ന വിവരം ലഭിച്ചതിനെ തുടർന്നാണ് വനം വകുപ്പ് ഉദ്യോ​ഗസ്ഥർ ഇവിടെയെത്തിയത്. അപ്പോഴാണ് പ്രദേശവാസിയായ യുവാവ് മലമ്പാമ്പിനെ കഴുത്തിലിട്ട് നിൽക്കുന്ന കാഴ്ച കണ്ടത്.