പോക്സോ കേസ്: പ്രതിക്ക് 77വർഷം കഠിന തടവ്

കാഞ്ഞങ്ങാട്: പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിച്ച കേസിലെ പ്രതിക്ക് 77വർഷം കഠിന തടവും 2,09000 രൂപ പിഴയും. കാസര്‍കോട് മുളിയാർ മല്ലത്തെ കോളം കോട് വീട്ടിൽ സുകുമാരനെ (45) യാണ് കഠിന തടവിന് ശിക്ഷിച്ചത്.

പിഴ അടച്ചില്ലെങ്കിൽ 2 വർഷവും, 7 മാസവും അധിക തടവിനും ശിക്ഷ വിധിച്ചു. ആദൂർ പോലീസ് സ്റ്റേഷൻ പരിധിയിൽ താമസിക്കുന്ന 14വയസുകാരിയെ പീഡിപ്പിച്ച കേസിൽ ഹോസ്ദുർഗ് ഫാസ്റ്റ് ട്രാക്ക് സ്പെഷ്യൽ കോർട്ട് ജഡ്ജ് പി എം സുരേഷ് ആണ് ശിക്ഷ വിധിച്ചത്.

2023 ജൂൺ 25 ന് പെൺകുട്ടി താമസിക്കുന്ന വീട്ടിൽ വെച്ച് പ്രതി പെൺകുട്ടിക്ക് അശ്ലീല വീഡിയോ കാണിച്ച് ഗൗരവതരമായ ലൈംഗിക അതിക്രമത്തിലൂടെയുള്ള പീഡനത്തിന് ഇരയാക്കി. സംഭവം പുറത്ത് പറഞ്ഞാൽ കൊല്ലുമെന്ന് പറഞ്ഞ് ഭീഷണിപ്പെടുത്തി. പെൺകുട്ടി ആറിൽ പഠിക്കുമ്പോഴും പീഡനത്തിനിരയാക്കിയിട്ടുണ്ട്.

ആദൂർ പൊലീസ് സ്റ്റേഷനിൽ രജിസ്റ്റർ ചെയ്ത കേസിൽ അന്വേഷണം നടത്തി കോടതിയിൽ കുറ്റപത്രം സമർപ്പിച്ചത് അന്നത്തെ ഇൻസ്‌പെക്ടർ ഓഫ് പോലീസായരുന്ന എ അനിൽകുമാറാണ്. പ്രോസീക്യൂഷന് വേണ്ടി ഹോസ്ദുർഗ് സ്പെഷ്യൽ പബ്ലിക് പ്രോസീക്യൂട്ടർ എ ഗംഗാധരൻ ഹാജരായി.