print edition സ്ത്രീകൾക്ക് പിങ്ക് ബസ് സർവീസ് ആരംഭിക്കും: മന്ത്രി ഗണേഷ് കുമാർ
തൃശൂർ: സംസ്ഥാനത്ത് സ്ത്രീകൾക്ക്മാത്രമായി പിങ്ക് ബസ് സർവീസ് ആരംഭിക്കുമെന്ന് മന്ത്രി കെ ബി ഗണേഷ്കുമാർ പറഞ്ഞു. തൃശൂർ കെഎസ്ആർടിസി ബസ് ടെർമിനലിന്റെയും അഡ്മിനിസ്ട്രേറ്റീവ് ബ്ലോക്കിന്റെയും നിർമാണം ഉദ്ഘാടനം ചെയ്യുകയായിരുന്നു മന്ത്രി. തിരക്കുള്ള നഗരങ്ങൾക്കനുസരിച്ച് ഇൗ ബസുകൾ നൽകും. പിഎം ഇ ബസ് പദ്ധതി പ്രകാരം കേരളത്തിന് 300 ബസുകൾ ലഭിക്കും.
ബജറ്റ് ടൂറിസം പദ്ധതിയുടെ ഭാഗമായി തീർഥാടന ടൂറിസം ആരംഭിക്കും. ആദ്യഘട്ടത്തിൽ ഗുരുവായൂരും ഉൾപ്പെടുന്നുണ്ട്. പദ്ധതിയുടെ ഭാഗമായി തമിഴ്നാട്ടിലേക്കും സർവീസ് ആരംഭിക്കും. തമിഴ്നാട് സർക്കാരുമായി ഉടൻ കരാർ ഒപ്പുവയ്ക്കും.
0 comments