പോക്‌സോ കേസില്‍ പാസ്റ്റര്‍ക്ക് 12 വര്‍ഷം തടവും പിഴയും

ഇടുക്കി: പ്രായപൂർത്തിയാകാത്ത പെൺകുട്ടിയെ ലൈംഗികമായി ഉപദ്രവിച്ച കേസിൽ പാസ്റ്റർക്ക് 12 വർഷം കഠിനതടവും 61,000 രൂപ പിഴയും. വാഴൂർ നെടുമാവ് പറയ്ക്കൽ പി ടി പ്രദീപിനാണ്‌(39) കട്ടപ്പന അതിവേഗ സ്‌പെഷ്യൽ കോടതി ശിക്ഷ വിധിച്ചത്‌.

2023ലാണ് കേസിനാസ്പദമായ സംഭവം. ചക്കുപള്ളം ആറാംമൈലിൽ താമസസ്ഥലത്ത്‌ വെച്ചാണ്‌ ഇയാൾ പെൺകുട്ടിയെ പീഡിപ്പിച്ചത്. പോക്‌സോ വകുപ്പ് പ്രകാരം അഞ്ച് വർഷം കഠിന തടവും 40,000 രൂപ പിഴയും ഐപിസി വകുപ്പുകൾപ്രകാരം ഏഴുവർഷം വർഷം കഠിന തടവും 21,000 രൂപ പിഴയുമാണ് ശിക്ഷ. പ്രോസിക്യൂഷനുവേണ്ടി അഡ്വ സുസ്മിത ജോൺ ഹാജരായി.