print edition വേൾഡ് എക്കണോമിക് ഫോറം – 2026 സമ്മിറ്റ്‌ ; മന്ത്രി പി രാജീവ്‌ ദാവോസിൽ

തിരുവനന്തപുരം

വേൾഡ് എക്കണോമിക് ഫോറം 2026 സമ്മിറ്റിൽ പങ്കെടുക്കാൻ മന്ത്രി പി രാജീവും സംഘവും ദാവോസിലെത്തി. സ്വിറ്റ്സർലൻഡിലെ ഇന്ത്യൻ അംബാസഡർ മൃദുൽ കുമാർ സ്വീകരിച്ചു. തുടർച്ചയായി രണ്ടാം തവണയാണ് മന്ത്രി ഉൾപ്പെടെയുള്ള സംഘം ദാവോസിലെത്തി സമ്മിറ്റിൽ പങ്കെടുക്കുന്നത്.

ചീഫ് സെക്രട്ടറി ഡോ. എ ജയതിലക്, വ്യവസായ വകുപ്പ്‌ അഡീഷണൽ ചീഫ് സെക്രട്ടറി എ പി എം മുഹമ്മദ് ഹനീഷ്, വ്യവസായ വാണിജ്യ വകുപ്പ് ഡയറക്ടർ വിഷ്‌ണുരാജ് തുടങ്ങിയവരും കൂടിക്കാഴ്ചകളിൽ പങ്കെടുക്കും.