'ജി സുധാകരന്റെ ​ആ ​ഗതികെട്ട ചിത്രം കാണേണ്ടി വന്നത് ദുഃഖിപ്പിച്ചു' പി പ്രസാദ്

ആലപ്പുഴ: ജി സുധാകരൻ കോൺ​ഗ്രസിന്റെ തൊപ്പി ധരിച്ച് നിൽക്കുന്ന ​ഗതികെട്ട ചിത്രം കാണേണ്ടി വന്നത് ദുഃഖിപ്പിച്ചുവെന്ന് എൽഡിഎഫ് സ്ഥാനാർഥി പി പ്രസാദ്. ചെങ്ങന്നൂർ നിയോജകമണ്ഡലം തെരഞ്ഞെടുപ്പ് കൺവെൻഷനിൽ പങ്കെടുത്ത് സംസാരിക്കുകയായിരുന്നു പി പ്രസാദ്.

കമ്മ്യൂണിസത്തെക്കുറിച്ചും മാർക്സിസത്തെ കുറിച്ചും സാധാരണക്കാർക്കൊപ്പം നിൽക്കുന്നതിനെ കുറിച്ചും പറഞ്ഞിരുന്ന ആളാണ് ജി സുധാകരൻ, ഇന്ന് കോൺ​ഗ്രസിന്റെ തൊപ്പി ധരിച്ചുള്ള ​ഗതികെട്ട നിൽപ്പാണ് ദുഃഖിപ്പിക്കുന്നതെന്നും പ്രസാദ് കൂട്ടിച്ചേർത്തു. കഴിഞ്ഞദിവസം പി. പ്രസാദിനെതിരെ ജി സുധാകരൻ രം​ഗത്ത് വന്നിരുന്നു. പ്രസാദിനെതിരെ ചേർത്തലയിൽ പോയി പ്രസംഗിക്കുമെന്നായിരുന്നു സുധാകരൻ പറഞ്ഞത്.