അമിത വേ​ഗത്തിലെത്തി സ്വകാര്യബസ്, ഒന്നിന് പുറകെ ഒന്നായി അഞ്ച് വാഹനങ്ങൾ കൂട്ടിയിടിച്ചു; മണ്ണാർക്കാട് അപകടം

മണ്ണാർക്കാട്: പാലക്കാട് മണ്ണാർക്കാട് കുമരംപുത്തൂരിൽ സ്വകാര്യ ബസിടിച്ചതിനെ തുടർന്ന് അഞ്ച് വാഹനങ്ങൾ അപകടത്തിൽപ്പെട്ടു. അമിത വേ​ഗത്തിലെത്തിയ ബസ് മിനിലോറിയും രണ്ട് കാറുകളും ബൈക്കുമായി ഒന്നിന് പുറകെ ഒന്നായി കൂട്ടിയിടിക്കുകയായിരുന്നു.

ശനി ഉച്ചയോടെ വട്ടമ്പലത്താണ് അപകടം. പാലക്കാട് ഭാ​ഗത്തേത്ക് വരികയായിരുന്ന ബസ് ലോറിയിലേക്ക് ഇടിച്ചതിനെ തുടർന്നാണ് അപകടമുണ്ടായത്. ഇടിയുടെ ആഘാതത്തിൽ ലോറി മറ്റ് മൂന്ന് വാഹനങ്ങളിലേക്കും ഇടിച്ചുകയറുകയായിരുന്നു. അപകടത്തിൽ ബൈക്ക് യാത്രികൻ ഉൾപ്പെടെ മൂന്നുപേർക്ക് പരിക്കേറ്റു.

അപകടത്തിൽപ്പെട്ടവരുടെ നില ​ഗുരുതരമല്ല. റോഡിൽ അരമണിക്കൂറിലേറെ ​ഗതാ​ഗതം തടസ്സപ്പെട്ടു.