പമ്പയാറ്റിൽ കുളിക്കാനിറങ്ങിയ യുവാവിനെ കാണാതായി

പത്തനംതിട്ട: പമ്പയാറ്റിൽ സുഹൃത്തുക്കൾക്കൊപ്പം കുളിക്കാനിറങ്ങിയ യുവാവിനെ കാണാതായി. എലിവാലിക്കര സ്വദേശി സുജിത്ത് (35) ആണ് ഒഴുക്കിൽപ്പെട്ടത്. ഇന്ന് വൈകിട്ട് ആറോടെയാണ് അപകടം. അ​ഗ്നിരക്ഷാ സേന സ്ഥലത്തെത്തി തിരച്ചിൽ ആരംഭിച്ചു.

സുജിത്ത് ഉൾപ്പെടെ നാല് പേരാണ് പമ്പയാറ്റിൽ കുളിക്കാനിറങ്ങിയത്. ആഴമേറിയ ഭാ​ഗത്ത് സുജിത്ത് ഒഴുക്കിൽപ്പെടുകയായിരുന്നു. ആദ്യം നാട്ടുകാരുടെ നേതൃത്വത്തിൽ തിരച്ചിൽ നടത്തിയെങ്കിലും കണ്ടെത്താനായില്ല.