ജിഎസ്ടി കുറച്ചതിനാൽ മില്‍മ പാലിന് വില കൂട്ടില്ല

തിരുവനന്തപുരം: ജിഎസ്ടി കുറയ്ക്കുന്ന ഘട്ടത്തില്‍ പാലിന് വില കൂട്ടുന്നത്‌ ജനങ്ങള്‍ക്ക് ബുദ്ധിമുട്ടാകുമെന്ന് മില്‍മ ചെയര്‍മാന്‍ കെ എസ് മണി. അടുത്തവർഷം ജനുവരി മുതല്‍ വില കൂട്ടണം എന്നതാണ് സമിതി തീരുമാനം.

അവസാനമായി വില വർധിപ്പിച്ചത്‌ 2022 ഡിസംബറിലാണ്. എറണാകുളം മേഖല ഒഴിച്ച് മറ്റ് രണ്ട് മേഖലകളിലും ഇപ്പോള്‍ വില വര്‍ധന വേണ്ട എന്നാണ് സമിതി സ്വീകരിച്ച നയമെന്നും വിദഗ്ധ സമിതിയുടെ ശുപാര്‍ശയനുസരിച്ചാണ് തീരുമാനമെന്നും കെ എസ് മണി വ്യക്തമാക്കി.

മിൽമ പാലിന് വില കൂടാൻ സാധ്യതയുണ്ട് എന്ന വാർത്തകൾ പുറത്തുവന്ന സാഹചര്യത്തിലാണ് വിശ​ദീകരണവുമായി ചെയർമാൻ എത്തിയത്‌. ഉല്‍പാദന ചെലവ് കൂടുന്നതിനാൽ വില വര്‍ധിപ്പിക്കുന്ന കാര്യം മില്‍മ അധികൃതർ സര്‍ക്കാരിനെ അറിയിച്ചിരുന്നു.