കിളിമാനൂരിൽ ഹരിതകർമ സേനാം​ഗത്തിന് സൂര്യാതപമേറ്റു

തിരുവനന്തപുരം: കിളിമാനൂരിൽ ഹരിതകർമ സേനാം​ഗത്തിന് സൂര്യാതപമേറ്റു. പഴയകുന്നുമ്മേൽ ​ഗ്രാമപഞ്ചായത്ത് ഹരിതകർമ സേനാം​ഗം ലതികയ്ക്കാണ് പൊള്ളലേറ്റത്. കടകളിൽ നിന്ന് പ്ലാസ്റ്റിക് മാലിന്യം ശേഖരിക്കുന്നതിനിടെയാണ് സൂര്യാതപമേറ്റത്.

കൈയിലും കാലിലും കഴുത്തിലും പൊള്ളലേറ്റതായാണ് ലഭിക്കുന്ന വിവരം. തുടർന്ന് ആശുപത്രിയിലെത്തിച്ച് ചികിത്സ തേടി. സംസ്ഥാനത്ത് ചൂട് അസഹനീയമായി തുടരുന്നതിനാൽ അതീവ ജാ​ഗ്രതാ നിർദേശം നൽകിയിരിക്കുകയാണ് ദുരന്ത നിവാരണ അതോറിറ്റി. താപനില ഉയരാൻ സാധ്യതയുള്ളതിനാൽ കർശമ മുന്നറിയിപ്പാണ് നൽകിയിരിക്കുന്നത്. പകൽ 11 മണി മുതൽ 3 മണി വരെയുള്ള സമയങ്ങളിൽ നേരിട്ട് വെയിൽ ഏൽക്കാതിരിക്കാൻ പൊതുജനങ്ങൾ പ്രത്യേകം ശ്രദ്ധിക്കണമെന്ന് ആരോഗ്യവകുപ്പും മുന്നറിയിപ്പ് നൽകിയിട്ടുണ്ട്.

അതേസമയം, ഇടുക്കിയിലും രണ്ട് പേർക്ക് സൂര്യാതപമേറ്റിട്ടുണ്ട്. മുട്ടം കളപ്പുരക്കൽ നാരായണൻ, പെരുമറ്റം സ്വദേശിനി ആശ എന്നിവർക്കാണ് സൂര്യാതപമേറ്റത്. ഇരുവരും ചികിത്സ തേടി.