അറ്റകുറ്റപ്പണി: കോട്ടയം വഴി ട്രെയിൻ നിയന്ത്രണം

തിരുവനന്തപുരം: ചിങ്ങവനം–കോട്ടയം സെക്‌ഷനിൽ എൻജിനിയറിങ്‌ പ്രവൃത്തി നടക്കുന്നതിനാൽ ശനിയാഴ്‌ച ഇതുവഴി ട്രെയിൻ നിയന്ത്രണം ഏർപ്പെടുത്തി. നിരവധി ട്രെയിനുകൾ വഴി തിരിച്ചുവിടും. ചില ട്രെയിനുകൾ ഭാഗികമായി റദ്ദാക്കും.

ആലപ്പുഴ വഴി തിരിച്ചുവിടുന്ന ട്രെയിനുകൾ

• തിരുവനന്തപുരം സെൻട്രൽ–ചെന്നൈ സെൻട്രൽ സൂപ്പർഫാസ്‌റ്റ്‌ എക്‌സ്‌പ്രസ്‌ (12624). ആലപ്പുഴ, ചേർത്തല, എറണാകുളം സ്‌റ്റോപ്പുകളുണ്ടാകും.

• തിരുവനന്തപുരം നോർത്ത്‌–ശ്രീ ഗംഗാനഗർ എക്‌സ്‌പ്രസ്‌ (16312). ആലപ്പുഴ, എറണാകുളം ജങ്‌ഷൻ എന്നിവിടങ്ങളിൽ സ്‌റ്റോപ്പുണ്ടാകും.

• തിരുവനന്തപുരം നോർത്ത്‌–എസ്‌എംവിടി ബംഗളൂരു ഹംസഫർ എക്‌സ്‌പ്രസ്‌ (16319). ആലപ്പുഴ, എറണാകുളം ജങ്‌ഷൻ എന്നിവിടങ്ങളിൽ സ്‌റ്റോപ്പുണ്ടാകും.

• കന്യാകുമാരി–ദിബ്രുഗഡ്‌ വിവേക്‌ എക്‌സ്‌പ്രസ്‌ (22503). ആലപ്പുഴ, എറണാകുളം ജങ്‌ഷൻ എന്നിവിടങ്ങളിൽ സ്‌റ്റോപ്പുണ്ടാകും.

• തിരുവനന്തപുരം സെൻട്രൽ–മധുര അമൃത എക്‌സ്‌പ്രസ്‌ (16343). ആലപ്പുഴ, എറണാകുളം ജങ്‌ഷൻ എന്നിവിടങ്ങളിൽ സ്‌റ്റോപ്പുണ്ടാകും.

• തിരുവനന്തപുരം സെൻട്രൽ–മംഗളൂരു സെൻട്രൽ എക്‌സ്‌പ്രസ്‌ (16347). ഹരിപ്പാട്‌, അന്പലപ്പുഴ, ആലപ്പുഴ, ചേർത്തല, എറണാകുളം എന്നിവിടങ്ങളിൽ സ്‌റ്റോപ്പ്‌ ഉണ്ടാകും

​

ഭാഗികമായി റദ്ദാക്കിയവ

• ചെന്നൈ സെൻട്രൽ–തിരുവനന്തപുരം സെൻട്രൽ സൂപ്പർ-ഫാസ്‌റ്റ്‌ എക്‌സ്‌പ്രസ്‌ (12695) കോട്ടയത്ത്‌ സർവീസ്‌ അവസാനിപ്പിക്കും.

• മധുര–ഗുരുവായൂർ എക്‌സ്‌പ്രസ്‌ (16327) കൊല്ലത്ത്‌ സർവീസ്‌ അവസാനിപ്പിക്കും

• നാഗർകോവിൽ–കോട്ടയം എക്‌സ്‌പ്രസ്‌ (16366) ചങ്ങനാശേരിയിൽ യാത്ര അവസാനിപ്പിക്കും

​

ട്രെയിൻ പുറപ്പെടുന്നതിൽ മാറ്റം

• തിരുവനന്തപുരം സെൻട്രൽ–ചെന്നൈ സെൻട്രൽ സൂപ്പർഫാസ്‌റ്റ്‌ എക്‌സ്‌പ്രസ്‌ (12696) 20 ന്‌ രാത്രി 8.05 ന്‌ കോട്ടയത്തുനിന്നായിരിക്കും പുറപ്പെടുക.

• ഗുരുവായൂർ–മധുര എക്‌സ്‌പ്രസ്‌ (16328) ഞായർ കോട്ടയത്തുനിന്ന്‌ പകൽ 12.10 ന്‌ ആയിരിക്കും പുറപ്പെടുക.

​

​