ആംബുലൻസ്‌ തടഞ്ഞവർക്കെതിരെ നിയമനടപടി: മന്ത്രി ഒ ആർ കേളു

തിരുവനന്തപുരം: കോൺഗ്രസ് പ്രവർത്തകർ ആംബുലൻസ് തടഞ്ഞതിനെ തുടർന്ന് വിതുരയിൽ ആദിവാസി യുവാവ് ബിനു മരിക്കാനിയായ സംഭവത്തിൽ കുറ്റക്കാർക്കെതിരെ നിയമനടപടി സ്വീകരിക്കുമെന്ന് മന്ത്രി ഒ ആർ കേളു വ്യക്തമാക്കി. ബിനുവിന്റെ മരണത്തിൽ മന്ത്രി അനുശോചിച്ചു.

വിതുര താലൂക്ക് ആശുപത്രിയിൽ പ്രവേശിപ്പിച്ച ബിനുവിനെ പ്രാഥമിക ചികിത്സയ്ക്കുശേഷം വിദഗ്ധ ചികിത്സയ്ക്കായി തിരുവനന്തപുരം മെഡിക്കൽ കോളേജിലേക്ക്‌ കൊണ്ടുപോകുന്നതിനായി കയറ്റിയ ആംബുലൻസ് ആണ്‌ കോൺഗ്രസ്‌ പ്രവർത്തകർ തടഞ്ഞത്‌. യഥാസമയം മെഡിക്കൽ കോളേജിൽ എത്തിച്ചിരുന്നെങ്കിൽ യുവാവിനെ രക്ഷിക്കാനാവുമായിരുന്നു– മന്ത്രി പറഞ്ഞു.