print edition ഇടതുപക്ഷം തലപൊക്കില്ലെന്ന പ്രചാരണം വ്യാമോഹം: ബിനോയ്‌ വിശ്വം

തിരുവനന്തപുരം: ഇടതുപക്ഷം ഇനി തലപൊക്കില്ലെന്ന പ്രചാരണം വലതുപക്ഷ വ്യാമോഹം മാത്രമാണെന്ന് സിപിഐ സംസ്ഥാന സെക്രട്ടറി ബിനോയ് വിശ്വം. പരാജയത്തില്‍നിന്ന് പാഠങ്ങള്‍ പഠിച്ച് മുന്നേറും. വീഴ്‌ചയുടെ കാരണങ്ങള്‍ പരിശോധിച്ച് കണ്ടെത്തി തിരുത്തും.

എല്ലാത്തിനും വലുത് ജനങ്ങളാണെന്നറിയാം. ആ ജനങ്ങള്‍ക്ക് മുന്നില്‍ സ്വന്തം കുറ്റങ്ങളും കുറവുകളും പറയാന്‍ ഒരിക്കലും ഇടതുപക്ഷം വിസമ്മതിക്കില്ല. വീഴ്‌ചകള്‍ ഏറ്റുപറഞ്ഞ് ജനങ്ങളെ വഴികാട്ടിയായിക്കണ്ട്‌ തിരുത്തി മുന്നോട്ടുപോകുമെന്നും അദ്ദേഹം പറഞ്ഞു.

കെജിഒഎ വജ്രജൂബിലി സമ്മേളനത്തിന്‌ സമാപനം കുറിച്ചുള്ള പൊതുസമ്മേളനത്തിൽ സംസാരിക്കുകയായിരുന്നു അദ്ദേഹം.