കോഴിക്കോട് വടകരയിൽ ദേശീയ പാതയിൽ മണ്ണിടിച്ചിൽ

വടകര: കോഴിക്കോട് വടകര മുക്കാളിയിൽ ദേശീയ പാതയിൽ മണ്ണിടിച്ചിൽ. നിർമാണം നടക്കുന്ന സ്ഥലത്താണ് മണ്ണിടിച്ചിലുണ്ടായത്. തൊഴിലാളികൾ ഭക്ഷണം കഴിക്കാൻ പോയ സമയത്താണ് അപകടമുണ്ടായത്. അതിനാൽ ആളപായം ഒഴിവായി.

ഉച്ചയ്ക്ക് രണ്ടോടെയാണ് അപകടം. നേരത്തെ നിരവധി തവണ ഈ ഭാ​ഗത്ത് മണ്ണിടിച്ചിലുണ്ടായതായാണ് വിവരം. പാതയുടെ വശത്തായി നിർമിച്ച സംരക്ഷണ ഭിത്തിയും ഇടിഞ്ഞുവീണു. ദേശിയപാതയിലൂടെ വാഹനങ്ങൾ കടന്നു പോകുമ്പോഴാണ് അപകടമുണ്ടായതെന്നാണ് വിവരം.