പൊതുജനങ്ങള്‍ക്ക് കൈറ്റിന്റെ ഓണ്‍ലൈന്‍ എഐ കോഴ്സ്

kite ai
വെബ് ഡെസ്ക്

Published on Feb 24, 2025, 01:42 AM | 1 min read

തിരുവനന്തപുരം : നിത്യജീവിതത്തിൽ എഐ ടൂളുകൾ ഫലപ്രദമായി ഉപയോഗിക്കാൻ സാധാരണക്കാരെ പര്യാപ്തമാക്കുന്ന കേരള ഇൻഫ്രാസ്ട്രക്ചർ ആൻഡ് ടെക്നോളജി ഫോർ എഡ്യൂക്കേഷൻ (കൈറ്റ്) ഓൺലൈൻ പരിശീലന പദ്ധതിയിലേക്ക് അപേക്ഷ ക്ഷണിച്ചു. നാലാഴ്ചയാണ് ‘എഐ എസൻഷ്യൽസ്' കോഴ്സിന്റെ ദൈർഘ്യം. കോഴ്സിന്റെ ഭാഗമായി വീഡിയോ ക്ലാസുകൾക്കും റിസോഴ്സുകൾക്കും പുറമേ എല്ലാ ആഴ്ചയിലും ഓൺലൈൻ കോൺടാക്ട് ക്ലാസുമുണ്ട്.

ഓഫീസ് ആവശ്യങ്ങൾ ഉൾപ്പെടെ ദൈനംദിന പ്രവർത്തനങ്ങൾക്ക് എഐ ടൂളുകൾ എങ്ങനെ പ്രയോജനപ്പെടുത്താം, സോഷ്യൽ മീഡിയയിലെ ഉള്ളടക്കം തയ്യാറാക്കൽ, കലാ- സംഗീത- സാഹിത്യ മേഖലകളിൽ പ്രയോജനപ്പെടുത്താവുന്ന ടൂളുകൾ, പ്രോംപ്റ്റ് എൻജിനിയറിങ്, റെസ്പോൺസിബിൾ എഐ എന്നിങ്ങനെയുള്ള മേഖലകളിൽ വിദ്യാർഥികൾക്ക് ഉൾപ്പെടെ പ്രയോജനമാകുന്നതാണ് കോഴ്‌സ്.

നേരത്തെ 80,000 സ്കൂൾ അധ്യാപകർക്കായി കൈറ്റ് നടത്തിയ എഐ പരിശീലന മൊഡ്യൂൾ പുതിയ ടൂളുകൾ ഉപയോഗിച്ച് മെച്ചപ്പെടുത്തിയതാണ് പുതിയ കോഴ്സ്. ആദ്യം രജിസ്റ്റർ ചെയ്യുന്ന 2500 പേരെ ഒന്നാം ബാച്ചിൽ ഉൾപ്പെടുത്തും. അവസാന തീയതി: മാർച്ച് 5. ജിഎസ്ടി ഉൾപ്പെടെ 2360 രൂപ ഫീസ് രജിസ്ട്രേഷൻ സമയത്ത് ഓൺലൈനായി അടക്കണം. ക്ലാസുകൾ മാർച്ച് 10ന് ആരംഭിക്കും. വിജയകരമായി കോഴ്സ് പൂർത്തിയാക്കുന്നവർക്ക് സർട്ടിഫിക്കറ്റ് നൽകും. വെബ്സൈറ്റ്: www.kite.kerala.gov.in.



deshabhimani section

Related News

View More
0 comments
Sort by

Deshabhimani

Subscribe to our newsletter

Quick Links


Home