കൂത്തുപറമ്പിൽ കളിപ്പാട്ടത്തിനടിയിൽ രാജവെമ്പാല

കൂത്തുപറമ്പ് : ചെറുവാഞ്ചേരിയിൽ വീട്ടിൽ കുട്ടികൾ കളിക്കുന്ന കളിപ്പാട്ടത്തിനടിയിൽ നിന്ന് രാജവെമ്പാലയെ പിടികൂടി. കണ്ണവം റോഡിൽ പിപി ശ്രീജിത്തിൻ്റ വീട്ടു വരാന്തയിൽ നിന്നാണ് തിങ്കളാഴ്ച രാത്രി കൂറ്റൻ രാജവെമ്പാലയെ പിടികൂടിയത്.

ഇലക്ട്രോണിക്ക് കാറിനടിയിൽ നിന്നും അനക്കം കണ്ട് വീട്ടുകാർ നോക്കിയപ്പോഴാണ് രാജവെമ്പാലയെ കണ്ടത്. തുടർന്ന് കണ്ണവംഫോറസ്റ്റ് അധികൃതരെ വിവരം അറിയിക്കുകയായിരുന്നു.

രാത്രി 11 മണിയോടെ സ്ഥലത്തെത്തിയ ഫോറസ്റ്റ് റെസ്ക്യൂവറും മാർക്ക് പ്രവർത്തകനുമായ ബിജലേഷ് കോടിയേരി പാമ്പിനെ പിടികൂടി. എട്ടടിയിലധികം നീളമുള്ള രാജവെമ്പാലയാണ് വീട്ടിൽ കയറിയത്. പിടികൂടിയ പാമ്പിനെ പിന്നീട് ഫോറസ്റ്റ് അധികൃതരുടെ സാന്നിധ്യത്തിൽ ഉൾവനത്തിൽ വിട്ടു.