കെഎഫ്എ പുരസ്കാരം ദേശാഭിമാനി ഫോട്ടോ​ഗ്രാഫർ ജഗത് ലാലിന്

കൊച്ചി: കേരള ഫുട്ബോൾ അസോസിയേഷന്റെ മികച്ച ഫോട്ടോ​ഗ്രാഫർക്കുള്ള പുരസ്കാരം ദേശാഭിമാനിക്ക്. കണ്ണൂർ ബ്യൂറോയിലെ സീനിയർ ഫോട്ടോ​ഗ്രാഫർ ജ​ഗത് ലാലിനാണ് പുരസ്കാരം. കൊച്ചി ഐഎംഎ ഹാളിൽ നടന്ന ചടങ്ങിൽ പുരസ്കാരം ഏറ്റുവാങ്ങി.

കേരള സ്പോർട്സ് കൗൺസിൽ, ജി വി രാജ സ്പോർട്സ് ഫോട്ടോഗ്രാഫി അവാർഡ്, ലിയാഖത് മെമ്മോറിയൽ അവാർഡ് തുടങ്ങിയ പുരസ്കാരവും നേടിയിട്ടുണ്ട്. കോഴിക്കോട് ചെറുകുളത്തൂർ സ്വദേശിയാണ്. അച്ഛൻ: കൃഷ്ണൻ കുട്ടി. അമ്മ: ജമീല. ഭാര്യ: ഷിദ. മക്കൾ: ഷാവേസ് ലാൽ, സഫ്ദർ ലാൽ.