ഗുണനിലവാരം ഇല്ലാത്ത റെസ്പിഫ്രഷ് ടിആറിന്റെ വില്പ്പന നിര്ത്തിവച്ചു
ശ്രീശന് ഫാര്മസ്യൂട്ടിക്കല്സിന്റെ ഒരു മരുന്നും സംസ്ഥാനത്ത് വില്ക്കാന് പാടില്ല: ആരോഗ്യമന്ത്രി
വീണാ ജോര്ജ് | File Photo
തിരുവനന്തപുരം: തമിഴ്നാട് കാഞ്ചിപുരത്ത് പ്രവര്ത്തിക്കുന്ന ശ്രീശന് ഫാര്മസ്യൂട്ടിക്കല്സ് എന്ന സ്ഥാപനത്തിന്റെ ലൈസന്സ് റദ്ദാക്കാനുള്ള നടപടികള് തമിഴ്നാട് ഡ്രഗ്സ് കണ്ട്രോളര് എടുത്തിട്ടുള്ള സാഹചര്യത്തില് കമ്പനിയുടെ എല്ലാ മരുന്നുകളും കേരളത്തില് വിതരണം നിര്ത്തിവയ്പ്പിച്ചതായി ആരോഗ്യമന്ത്രി വീണാ ജോര്ജ് അറിയിച്ചു.
ഗുജറാത്തിലെ റെഡ്നെക്സ് ഫാർമസ്യൂട്ടിക്കൽസ് നിർമിച്ച റെസ്പിഫ്രഷ് ടിആർ എന്ന മരുന്ന് ഗുണനിലവാരം ഇല്ലെന്ന് ഗുജറാത്ത് ഡ്രഗ്സ് കണ്ട്രോളര് അറിയിച്ച സാഹചര്യത്തില്, സംസ്ഥാനത്ത് ഈ മരുന്നിന്റെ വിതരണവും വില്പ്പനയും അടിയന്തരമായി നിര്ത്തിവയ്പ്പിച്ചുവെന്നും മന്ത്രി അറിയിച്ചു.
സംസ്ഥാനത്ത് അഞ്ച് വിതരണക്കാരാണ് ഈ മരുന്ന് വിതരണം നടത്തുന്നത്. അവര്ക്ക് മരുന്ന് വിതരണം നിര്ത്തിവയ്ക്കാന് നിര്ദേശം നല്കിയിട്ടുണ്ട്. ഈ മരുന്ന് വില്പന നടത്തുന്നവര്ക്കെതിരെ കര്ശന നടപടിസ്വീകരിക്കും. ഈ മരുന്ന് കൈവശമുള്ളവര് ഉപയോഗിക്കരുത്. ഈ മരുന്നുകള് സര്ക്കാര് ആശുപത്രികള് വഴി വിതരണം ചെയ്യുന്നില്ല.
അംഗീകൃത ഡോക്ടറുടെ കുറിപ്പടി ഇല്ലാതെ 12 വയസിന് താഴെയുള്ള കുട്ടികള്ക്ക് വേണ്ടി മരുന്ന് നല്കുന്ന സ്ഥാപനങ്ങള്ക്കെതിരെ കര്ശന നടപടി സ്വീകരിക്കാനും മന്ത്രി നിര്ദേശം നല്കി.
Related News
Dont Miss it
0 comments