കള്ളാടി മണ്ണിടിച്ചില്‍; രണ്ട് മൃതദേഹങ്ങള്‍ കണ്ടെടുത്തു, ദുരന്തത്തില്‍ മരണം അഞ്ചായി

വയനാട് : കള്ളാടി ദുരന്തഭൂമിയിൽ നിന്നും രണ്ട് മൃതദേഹങ്ങള്‍ കൂടി കണ്ടെടുത്തു. ഇതോടെ ദുരന്തത്തിൽ മരണം അഞ്ചായി. മീനാക്ഷി പുഴയോട് ചേർന്നുള്ള പ്രദേശത്ത് നടത്തിയ തെരച്ചിലിലാണ് മൃതദേഹം കണ്ടെത്തിയത്.

കാണാതായ മറ്റ് മൂന്ന് പേർക്കായുള്ള തെരച്ചിൽ പുരോ​ഗമിക്കുകയാണ്. മീനാക്ഷി പുഴയിൽ അടക്കം പരിശോധന നടക്കുകയാണ്. പ്രതികൂല കാലാവസ്ഥ തെരച്ചിലിന് തടസ്സം സൃഷ്ടിക്കുന്നുണ്ട്. മൃതദേഹം ആശുപത്രിയിലേക്ക് മാറ്റിയിട്ടുണ്ട്. പ്രദേശത്തെ നാല് സോണുകളായി തിരിച്ചാണ് തെരച്ചിൽ നടത്തുക. ഒന്നാമത്തെ സോണിൽ കൂടുതൽ മൃതദേഹങ്ങൾ ഉണ്ടാകാൻ സാധ്യതയുണ്ടെന്നാണ് കണക്കുകൂട്ടൽ.