കൊല്ലം ജില്ലയിലെ വിദ്യാഭ്യാസ സ്ഥാപനങ്ങള്ക്ക് നാളെ അവധി
എ ഐ പ്രതീകാത്മക ചിത്രം
കൊല്ലം: അന്തരീക്ഷ താപനില 40 ഡിഗ്രി വരെ ഉയരാന് സാധ്യതയുള്ളതിനാല് ജില്ലയിലെ പ്രൊഫഷണല് കോളജുകള് അടക്കമുള്ള എല്ലാ വിദ്യാഭ്യാസ സ്ഥാപനങ്ങള്ക്കും കലക്ടര് വെള്ളിയാഴ്ച അവധി പ്രഖ്യാപിച്ചു. മുന്നിശ്ചയിച്ചപ്രകാരമുള്ള പൊതുപരീക്ഷകള്ക്കും അഭിമുഖങ്ങള്ക്കും ബാധകമല്ല.
ഉഷ്ണതരംഗത്തിനുള്ള സാധ്യത മുന്നിര്ത്തി വെള്ളിയാഴ്ച ജില്ലയില് ഓറഞ്ച് അലേര്ട്ട് പ്രഖ്യാപിച്ചു. എല്ലാവരും ജാഗ്രത പാലിക്കണമെന്ന് ജില്ലാ ദുരന്ത നിവാരണ അതോറിറ്റി ചെയര്മാനായ കലക്ടര് എന് ദേവിദാസ് അറിയിച്ചു. അന്തരീക്ഷ താപനില 40 ഡിഗ്രി സെല്ഷ്യസ് വരെ ഉയര്ന്നേക്കാം. അന്തരീക്ഷത്തില് ഈര്പ്പം കൂടുന്നത് അത്യുഷ്ണത്തിന് കാരണമാകും. ഗുരുതരമായ ആരോഗ്യപ്രശ്നങ്ങള്ക്കും ജീവഹാനിക്കും വരെ കാരണമായേക്കാമെന്ന നിലയിലാണ് താപനില വര്ധന.
0 comments