അരാഷ്ട്രീയ-വർ​ഗീയ സഖ്യത്തെ തകർത്തെറിഞ്ഞ് എസ്എഫ്ഐ; കോഴിക്കോട് മെഡിക്കൽ കോളേജ് യൂണിയൻ പിടിച്ചെടുത്തു

കോഴിക്കോട്: അരാഷ്ട്രീയ- വർ​ഗീയ കൂട്ടുകെട്ടിനെ തകർത്തെറിഞ്ഞ് കോ​ഴി​ക്കോ​ട് മെ​ഡി​ക്ക​ൽ കോ​ള​ജ് വി​ദ്യാ​ർ​ഥി യൂണിയൻ തെരഞ്ഞെടുപ്പിൽ‌ എസ്എഫ്ഐക്ക് ഉജ്വല വിജയം. നീണ്ട 23 വർഷത്തിനുശേഷമാണ് എസ്എഫ്ഐ വിദ്യാർഥി യൂണിയൻ പിടിച്ചെടുക്കുന്നത്.

ഫോട്ടോ: മിഥുൻ അനില മിത്രൻ

കേരള ആരോ​ഗ്യ സർവകലാശാലയ്ക്ക് കീഴിൽനടന്ന തെരഞ്ഞെടുപ്പിൽ 16ൽ 13 സീറ്റുകളിലും എസ്എഫ്ഐ സ്ഥാനാർഥികൾ മികച്ച ഭൂരിപക്ഷത്തിൽ വിജയിച്ചു. ആറിൽ അഞ്ച് ബാച്ച് റെപ്പുകളും യുയുസി-യുജി സീറ്റുകളും എസ്എഫ്ഐ നേടി.