ഹയർ സെക്കൻഡറി പരീക്ഷാഫലം നാളെ; റിസൾട്ടറിയാം ഈ സൈറ്റുകളിൽ

തിരുവനന്തപുരം: രണ്ടാം വർഷ ഹയർ സെക്കൻഡറി, വൊക്കേഷണൽ ഹയർ സെക്കൻഡറി പരീക്ഷകളുടെ ഫലം വ്യാഴം പകൽ മൂന്നിന്‌ മന്ത്രി വി ശിവൻകുട്ടി പ്രഖ്യാപിക്കും. പകൽ 3.30 മുതൽ ഫലമറിയാം. www.results.hse.kerala.gov.in, www.prd.kerala.gov.in, results.digilocker.gov.in, www.results.kite.kerala.gov.in എന്ന വെബ്‌സൈറ്റുകളിലൂടെയും SAPHALAM 2025, iExaMS -–- Kerala, PRD Live എന്ന മൊബൈൽ ആപ്പുകളിലൂടെയുമാണ്‌ ഫലം ലഭ്യമാകുക.

4,44,707 വിദ്യാർഥികളാണ് പ്ലസ് ടു പരീക്ഷയ്ക്ക് രജിസ്റ്റർ ചെയ്തത്. 26,178 പേർ വിഎച്ച്എസ്ഇ രണ്ടാം വർഷ റെ​ഗുലർ പരീക്ഷ എഴുതി.