ഓണാവധിയിലേക്ക്; സംസ്ഥാനത്ത് സ്കൂളുകൾ ഇന്നടയ്ക്കും

തിരുവനന്തപുരം : ഓണാവധിയ്ക്കായി സംസ്ഥാനത്തെ സ്കൂളുകൾ ഇന്നടയ്ക്കും. ആ​ഗസ്ത് 22 മുതൽ ആ​ഗസ്ത് 30 വരെയാണ് ഓണാവധി നിശ്ചയിച്ചിരിക്കുന്നത്. ആഗസ്ത് 21 ന് സ്കൂളുകളിൽ ഓണാഘോഷ പരിപാടികൾ നടക്കുമെന്ന് വിദ്യാഭ്യാസ വകുപ്പ് അറിയിച്ചിരുന്നു.

ആ​ഗസ്ത് 14 മുതൽ 20 വരെയായിരുന്നു ഓണപരീക്ഷകൾ. പരീക്ഷ നടക്കുന്ന ഏതെങ്കിലും ദിവസം അവധി വന്നാൽ ആ പരീക്ഷ 21ന് നടത്താനും വിദ്യാഭ്യാസ വകുപ്പ് നിര്‍ദേശിച്ചിരുന്നു. അതേസമയം, ഒൻപത് ദിവസം മാത്രമാണ് വിദ്യാർഥികൾക്ക് ഓണാവധി നൽകിയിരിക്കുന്നത്. ഓണാവധിയ്ക്ക് ശേഷം ആ​ഗസ്ത് 31ന് സ്കൂളുകൾ തുറക്കും.