'ഒപ്പം നിന്നത് സർക്കാർ'; ചൂരൽമല ദുരന്തബാധിതരായ 30ലധികം കുടുംബങ്ങൾ സിപിഐ എമ്മിനൊപ്പം

കൽപറ്റ: മുണ്ടക്കൈയിലെയും ചൂരൽമലയിലെയും ദുരിതബാധിതരായ മനുഷ്യരെ ചേർത്തു പിടിച്ച സർക്കാരിനും സിപിഐ എമ്മിനും പിന്തുണയർപ്പിച്ച് പ്രദേശവാസികൾ. ചൂരല്‍മലയിലെ ദുരിതബാധിതരായ കോൺ​ഗ്രസ്, മുസ്ലീംലീ​ഗ് പ്രവർത്തകരായ 32 കുടുംബങ്ങളാണ് സിപിഐ എമ്മിനൊപ്പം ചേർന്നു പ്രവർത്തിക്കാൻ തീരുമാനിച്ചത്.

കൽപ്പറ്റ ബ്ലോക്ക് പഞ്ചായത്ത് മുൻ സ്റ്റാൻഡിങ് കമ്മറ്റി ചെയർമാനും കോൺ​ഗ്രസ് നേതാവുമായ നസീർ ആലയ്ക്കൽ അടക്കമുള്ളവരാണ് പാർടിയുമായി സഹകരിക്കാൻ തയ്യാറായത്. ദുരന്ത ബാധിതരുടെ പേരിൽ പണം പിരിച്ച് തട്ടിപ്പ് നടത്തുകയും വീട് വച്ച് നൽകാതെ വഞ്ചിക്കുകയും ചെയ്ത യുഡിഎഫ് നടപടികളിൽ പ്രതിഷേധിച്ചാണ് പ്രവർത്തകർ രാജിവെച്ചത്.