രാസലഹരി ഉപയോ​ഗം: ന​ഗരസഭാ മുൻ അധ്യക്ഷനായ കോൺ​ഗ്രസ് നേതാവ് പിടിയിൽ; ലഹരിമാഫിയയുടെ മുഖ്യകണ്ണിയെന്ന് സൂചന

തൊടുപുഴ: രാസലഹരി ഉപയോ​ഗിക്കുന്നതിനിടെ തൊടുപുഴ ന​ഗരസഭാ മുൻ അധ്യക്ഷൻ പിടിയിൽ. കോൺ​ഗ്രസ് നേതാവ് സനീഷ് ജോർജാണ് പ്രത്യേക അന്വേഷകസംഘത്തിന്റെ പിടിയിലായത്. പടിഞ്ഞാറേകോടിക്കളത്തിന് സമീപം ഒഴിഞ്ഞസ്ഥലത്ത് ഇയാൾ ലഹരി ഉപയോ​ഗിക്കുന്നു എന്ന വിവരത്തെ തുടർന്നാണ് പൊലീസ് പരിശോധന നടത്തിയത്.

പൊലീസ് സംഘം എത്തിയപ്പോൾ സനീഷ് ജോർജ് ലഹരി ഉപയോ​ഗിച്ച് കഴിഞ്ഞിരുന്നു. ഇയാളിൽനിന്ന് ലഹരി ഉപയോ​ഗത്തിനുള്ള ഉപകരണങ്ങൾ കണ്ടെടുത്തു. തൊടുപുഴയിലെ ലഹരി മാഫിയയുടെ മുഖ്യകണ്ണിയാണ് ഇയാൾ എന്നാണ് സൂചന.

ഒന്നരവർഷം മുൻപ് ന​ഗരസഭാ അധ്യക്ഷനായിരുന്ന സനീഷ് ജോർജിന് കൈക്കൂലിക്കേസിൽ ഉൾപ്പെട്ടാണ് സ്ഥാനം നഷ്ടമായത്.