മുൻ കോൺ​ഗ്രസ് എംഎൽഎ എം മുരളി അന്തരിച്ചു

തിരുവനന്തപുരം: മുൻ എംഎൽഎയും കോൺ​ഗ്രസ് നേതാവുമായ എം മുരളി(72) അന്തരിച്ചു. തിരുവനന്തപുരത്തെ സ്വകാര്യ ആശുപത്രിയിൽ ആയിരുന്നു അന്ത്യം. മൂന്ന് തവണ മാവേലിക്കര എംഎൽഎ ആയിരുന്നു. മാവേലിക്കര ചെറുകോൽ വൈപ്പു വിളയിൽ പരേതനായ കെ പി മാധവൻ പിള്ളയുടെയും വി കെ രാജമ്മയുടെയും മകനാണ്. 1969-ൽ കെഎസ് യു അംഗമായാണ് പൊതുപ്രവർത്തന രം​ഗത്തിലേക്കെത്തിയത്. കെ എസ് രമാദേവിയാണ് ഭാര്യ. മക്കൾ: ഡോ. മിഥുൻ, മൃദുൽ, മൃണാൾ.