ചെല്ലാനത്ത് നിന്നുപോയ മത്സ്യത്തൊഴിലാളികളെ കാണാനില്ല; തിരച്ചിൽ തുടരുന്നു

കൊച്ചി: ചെല്ലാനത്ത് നിന്ന് കടലിൽ മത്സ്യബന്ധനത്തിന് പോയ അഞ്ച് തൊഴിലാളികളെ കാണാതായി. കണ്ടക്കടവ് സ്വദേശികളായ സെബിൻ, പാഞ്ചി, കുഞ്ഞുമോൻ, പ്രിൻസ്, ആന്റപ്പൻ എന്നിവരെയാണ് കാണാതായത്. കോസ്റ്റ് ​ഗാർഡും നേവിയും തിരച്ചിൽ നടത്തുന്നുണ്ട്.

കാലാവസ്ഥാ മുന്നറിയിപ്പ് ഉണ്ടായിരുന്നിട്ടും പുലർച്ചെ നാല് മണിയോടെ ഇവർ കടലിൽ പോകുകയായിരുന്നു. ഇമ്മാനുവൽ എന്ന വള്ളത്തിലാണ് ഇവർ കടലിൽ പോയത്. ഒൻപത് മണിയോടെ ഇവർ തിരിച്ചുവരേണ്ടതായിരുന്നു. വൈകുന്നേരമായിട്ടും തിരിച്ചെത്താതിരുന്നതോടെ ബന്ധുക്കൾ പൊലീസിനെയും കോസ്റ്റ് ​ഗാർഡിനെയും വിവരമറിയിച്ചു. തുടർന്നാണ് തിരച്ചിൽ ആരംഭിച്ചത്.