ഡിസി ബുക്സിനെതിരെ നിയമ നടപടി 
അവസാനിപ്പിച്ചു: ഇ പി

കണ്ണൂർ : വ്യാജ ആത്മകഥയുടെ ഭാഗങ്ങൾ പുറത്തുവിട്ട വിഷയത്തിൽ ഡിസി ബുക്സിനെതിരെ തുടർ നിയമ നടപടിയില്ലെന്ന് ഇ പി ജയരാജൻ മാധ്യമങ്ങളോട്‌ പറഞ്ഞു. ഇക്കാര്യത്തിൽ ഡിസി ബുക്സ് തെറ്റ് സമ്മതിച്ചു. ആരോടും പ്രതികാര മനോഭാവമില്ലാത്തതിനാൽ നിയമ നടപടി ഒഴിവാക്കുകയാണ്‌.

നേതൃമാറ്റത്തിന്റെപേരിൽ കോൺഗ്രസിൽ ഇനിയും പൊട്ടിത്തെറിയുണ്ടാകും. കോൺഗ്രസ്‌ പ്രസിഡന്റിനെ നിയമിക്കുന്നത് സഭയാണെന്നുവന്നാൽ പ്രശ്നങ്ങളുണ്ടാകുമെന്നും ഇ പി പറഞ്ഞു.