കാണാതായ വയോധിക വെളളക്കെട്ടിൽ മരിച്ചനിലയിൽ

കാട്ടാക്കട: കാണാതായ വയോധികയെ വെള്ളക്കെട്ടിൽ മരിച്ചനിലയിൽ കണ്ടെത്തി. പൂവച്ചൽ മുളമൂട് വലിയവിള സ്വദേശി ദേവകിയമ്മയുടെ (79) മൃതദേഹമാണ് വെള്ളി രാവിലെ കണ്ടെത്തിയത്. വാഴക്കൃഷിക്കായി വെള്ളം ശേഖരിക്കാൻ നിർമിച്ച ചെറിയ കുളത്തിലായിരുന്നു മൃതദേഹം.

​വ്യാഴംമുതൽ ദേവകിയമ്മയെ കാണാനില്ലായിരുന്നു. ബന്ധുക്കളും നാട്ടുകാരുംചേർന്ന് തിരച്ചിൽ നടത്തുന്നതിനിടെയാണ് വീടിന് അടുത്തുള്ള കുഴിയിൽ മരിച്ചനിലയിൽ കണ്ടെത്തിയത്. ഇവർക്ക് നേരിയതോതിൽ മാനസികാസ്വാസ്ഥ്യം ഉണ്ടായിരുന്നതായി വീട്ടുകാർ പറഞ്ഞു.

അബദ്ധത്തിൽ വെള്ളക്കെട്ടിൽ വീണതാകാമെന്നാണ് പ്രാഥമിക നിഗമനം. പൊലീസ് സ്ഥലത്തെത്തി മേൽനടപടികൾ സ്വീകരിച്ചു.