തൊണ്ടയിൽ ഓംലറ്റും പഴവും കുടുങ്ങി; 52 കാരൻ മരിച്ചു

കാസർകോട്: ഓംലറ്റും പഴവും തൊണ്ടയിൽ കുടുങ്ങി തൊഴിലാളി മരിച്ചു. ബദിയഡുക്ക ചുള്ളിക്കാന സ്വദേശിയും ബാറഡുക്കയിൽ താമസക്കാരനുമായ വിശാന്തി ഡിസൂസ (52) ആണ് മരിച്ചത്.കാസർകോട് ജനറൽ ആസ്പത്രിയിലെത്തിക്കുമ്പോഴേക്കും മരിച്ചിരുന്നു.

ബേള കട്ടത്തങ്ങാടിയിലെ വെൽഡിങ് സ്ഥാപനത്തിലെ തൊഴിലാളിയാണ്. അച്ഛൻ: പരേതനായ പൊക്കറായിൽ ഡിസൂസ. .ഞായറാഴ്ച വൈകിട്ട് വീടിനടുത്തുള്ള തട്ടുകടയിൽനിന്ന് ഓംലറ്റും പഴവും കഴിക്കുന്നതിനിടെ ഭക്ഷണം തൊണ്ടയിൽ കുടുങ്ങി ശ്വാസതടസ്സം ഉണ്ടാകുകയും കുഴഞ്ഞുവീഴുകയുമായിരുന്നു.

അമ്മ: ലില്ലി ഡിസൂസ. അവിവാഹിതനാണ്. ബദിയഡുക്ക പോലീസ് അസ്വാഭാവിക മരണത്തിന് കേസെടുത്തു