കെ സുരേന്ദ്രന്റെ പദയാത്രക്കായി വാങ്ങിയ വാഹനം തിരിച്ചു നൽകിയില്ല; ശിവസേനാ നേതാക്കൾക്കെതിരെ പരാതി

കാഞ്ഞങ്ങാട്: ബിജെപി സംസ്ഥാന പ്രസിഡന്റായിരുന്ന കെ സുരേന്ദ്രന്റ പദയാത്രക്കായി വാങ്ങിയ വാഹനം തിരിച്ചു നൽകാതെ വഞ്ചിച്ചുവെന്ന് യുവതിയുടെ പരാതി. കാഞ്ഞങ്ങാട് കുശാൽനഗറിലെ കെ കെ സന്തോഷ് കുമാറിന്റെ ഭാര്യ ഗീതു റൈ ( 42) ആണ് പരാതി നൽകിയത്. പരാതിയിൽ ശിവസേന സംസ്ഥാന പ്രസിഡണ്ട് അഡ്വ. പേരൂർക്കട ഹരികുമാർ, എറണാകുളം ജില്ലാ പ്രസിഡന്റ് സുധീർഗോപി എന്നിവർക്കെതിരെ പൊലീസ് കേസെടുത്തു.

2024 ജനുവരി 28നാണ് ഗീതു റൈയുടെ ഭർത്താവ് സന്തോഷ് കുമാറിന്റെ കെഎൽ 60 എ 2863 നമ്പർ ടാറ്റ എയിസ് വാഹനം ഇവർ കെ സുരേന്ദ്രന്റെ പദയാത്രക്കായി വാങ്ങിയതായി പരാതിയിൽ പറയുന്നു. പിന്നീട് വാഹനം തിരിച്ചുനൽകിയില്ലെന്നും ഇത് തിരിച്ചു ചോദിച്ചപ്പോൾ കൊല്ലും എന്ന് ഭീഷണിപ്പെടുത്തുകയും ചെയ്തതായാണ് പരാതി.