കൂടൽ മാണിക്യം ക്ഷേത്രത്തിലെ മാറ്റിനിർത്തൽ അംഗീകരിക്കാനാകില്ല: മന്ത്രി കേളു

തിരുവനന്തപുരം: കൂടൽ മാണിക്യം ക്ഷേത്രത്തിലെ കഴകം ജോലിയിൽ നിന്ന്‌ ജീവനക്കാരനെ മാറ്റിനിർത്തിയത് അംഗീകരിക്കാനാകില്ലെന്ന് പിന്നാക്കവിഭാഗ ക്ഷേമ മന്ത്രി ഒ ആർ കേളു.

ദേവസ്വം റിക്രൂട്ട്മെന്റ് ബോർഡ് വഴി നിയമാനുസൃത രീതികളിലൂടെ നടത്തിയ നിയമനമാണിത്. തന്ത്രിമാരെടുത്ത നിലപാട് മതേതര കേരളത്തിന്റെ പുരോഗമന നിലപാടുകൾക്കെതിരാണ്. മനുവാദികൾക്ക് പ്രോത്സാഹനമേകുന്ന ഇത്തരം നിലപാടുകൾ കേരളത്തിന്റെ സാംസ്കാരിക ബോധത്തിനെതിരാണ്.

ജാതിയുടെ അടിസ്ഥാനത്തിൽ ഒരാളെ തൊഴിലിൽ നിന്ന് മാറ്റിനിർത്തുന്നത് ഏത് അവസ്ഥയിലും തെറ്റാണെന്നും- മന്ത്രി ഒ ആർ കേളു വ്യക്തമാക്കി.