കളിക്കുന്ന കുട്ടികൾക്കിടയിലേക്ക് കാർ ഓടിച്ചു കയറ്റി അഭ്യാസ പ്രകടനം;

കോഴിക്കോട്: സ്കൂൾ ഗ്രൗണ്ടിൽ കളിക്കുന്ന കുട്ടികൾക്കിടയിലേക്ക് കാർ ഓടിച്ചു കയറ്റി അഭ്യാസ പ്രകടനം. പലവട്ടം കുട്ടികൾക്ക് നേരെ കാർ പാ‌ഞ്ഞടുത്തു. ഓടി മാറിയതിനെത്തുടർന്ന് പലരും രക്ഷപ്പെടുകയായിരുന്നു. കാർ പേരാമ്പ്ര പൈതോത്തു സ്വദേശിയുടേതാണെന്ന് പൊലീസ് കണ്ടെത്തി.

സംഭവത്തിൻറെ സി സി ടി വി ദൃശ്യങ്ങളും പുറത്തുവന്നുതോടെ കാർ ഉടമയെ കണ്ടെത്താനുള്ള അന്വേഷണം പൊലീസ് ഊര്‍‌ജിതമാക്കുകയായിരുന്നു. കാർ ഹാജരാക്കാൻ ഉടമയോട് ആവശ്യപ്പെട്ടതായി പേരാമ്പ്ര പൊലീസ് അറിയിച്ചു.

കോഴിക്കോട് കൂത്താളി വൊക്കേഷണൽ ഹയർ സെക്കന്‍ററി സ്കൂളിലാണ് സംഭവം. തലനാരിഴക്കാണ് വിദ്യാർഥികൾ കാറിടിക്കാതെ രക്ഷപ്പെട്ടത്. കളിക്കുന്ന കുട്ടികൾക്കിടയിലേക്ക് അമിത വേഗത്തിലാണ് കാർ എത്തിയത്.