ഡിവൈഎഫ്ഐ പീപ്പിൾസ് പ്രൊജക്ട്സ് കാമ്പയിൻ ബെന്യാമിൻ ഉദ്ഘാടനം ചെയ്തു

benyamin dyfi
വെബ് ഡെസ്ക്

Published on Nov 23, 2025, 04:39 PM | 1 min read

തിരുവനന്തപുരം: നെക്സ്റ്റ് ജനറേഷൻ തിങ്ക് ഫെസ്റ്റ് 2026ന്റെ ഭാ​ഗമായി സംഘടിപ്പിക്കുന്ന പീപ്പിൾസ് പ്രൊജക്ട്സ് കാമ്പയിൻ എഴുത്തുകാരൻ ബെന്യാമിൻ ഉദ്ഘാടനം ചെയ്തു. കഴിഞ്ഞ പത്ത് വർഷത്തിനിടയിൽ കേരളത്തിൽ നടപ്പിലാക്കിയ പദ്ധതികളിൽ ജനങ്ങൾക്ക് ഏറ്റവും കൂടുതൽ പ്രിയപ്പെട്ട പദ്ധതികളെ കണ്ടെത്തുന്നതിനായാണ് പീപ്പിൾസ് പ്രൊജക്ട്സ് കാമ്പയിൻ സംഘടിപ്പിക്കുന്നത്. പ്രിയപ്പെട്ട മൂന്ന് പദ്ധതികൾ തെരഞ്ഞെടുത്താണ് ബെന്യാമിൻ ഉദ്ഘാടനം നിർവഹിച്ചത്.


ലൈഫ് മിഷൻ, അതിദാരിദ്ര്യ നിർമാർജന പദ്ധതി, മാലിന്യമുക്ത നവകേരളം എന്നീ പദ്ധതികളാണ് ബെന്യാമിൻ തെരഞ്ഞെടുത്തത്. സാധാരണ മലയാളികളുടെ ജീവിതത്തെ ഏരെ സ്വാധീനിച്ച പത്ത് പദ്ധതികളിൽ മികച്ചതെന്ന് തോന്നുന്ന മൂന്നെണ്ണത്തിന് ഓരോരുത്തർക്കും കാമ്പയിനിൽ വോട്ട് രേഖപ്പെടുത്താം. പങ്കെടുന്നവരിൽ തെരഞ്ഞെടുക്കപ്പെടുന്നവർക്ക് ആകർഷകമായ സമ്മാനങ്ങളുമുണ്ട്. നവകേരളത്തിന്റെ സമഗ്രമായ വികസനം ലക്ഷ്യമിട്ടുള്ള എല്ലാ സംഭാഷണങ്ങളിലും കഴിഞ്ഞ കാലത്ത് നടപ്പാക്കിയ പദ്ധതികൾ ഓർത്തെടുക്കേണ്ടതുണ്ട്.


അടുത്ത തലമുറ കേരളം എങ്ങനെയാകണം എന്നത് സംബന്ധിച്ച ചർച്ചകളിൽ യുവജനങ്ങളെ പങ്കാളികളാക്കുക എന്ന ലക്ഷ്യത്തോടെ ഡിവൈഎഫ്ഐ സംസ്ഥാന കമ്മറ്റി സംഘടിപ്പിക്കുന്ന പരിപാടിയാണ് നെക്സ്റ്റ് ജനറേഷൻ തിങ്ക് ഫെസ്റ്റ് 2026. ഡിവൈഎഫ്ഐ മുമ്പ് സംഘടിപ്പിച്ച യൂത്ത് ലിറ്ററേച്ചർ ഫെസ്റ്റിവലും, മവാസോ എന്ന സ്റ്റാർട്ടപ്പ് ഫെസ്റ്റിവലും യുവജന പങ്കാളിത്തം ഉറപ്പാക്കുന്ന പരിപാടികളായിരുന്നു. കേരളത്തിന്റെ യൗവ്വനത്തെ കാലത്തിനനുസരിച്ച് പുതുക്കുന്നതിനായി ഡിവൈഎഫ്ഐയുടെ ഇടപെടലിനെ ബെന്യാമിൻ അഭിനന്ദിച്ചു.







deshabhimani section

Related News

View More
0 comments
Sort by

Deshabhimani

Subscribe to our newsletter

Quick Links


Home